Mjeku Arjan Harxhi i është drejtuar me një apel pranë spitalit Infektiv të gjithëve, institucioneve dhe qytetarëve që të jenë të përgjegjshëm dhe të kujdesshëm në parandalimin e Covid.
“Çdokush ka përgjegjësitë e veta dhe duhet ta rishikojë këtë lloj pozicioni. Sa i përket kujdesit parandalimit por edhe për të parë se si do të jetë pozicioni i gjithësecilit prej tyre në të ardhmen e afërt, afatmesme dhe afatgjatë”, thotë Harxhi në videon e shpërndarë nga ministrja Ogerta Manastirliu.
“Gjithësecili ka përgjegjësi e veta, përsa i përket kujdesit dhe parandalimit të #COVID19. Edhe sjellja individuale është shumë e rëndësishme – Ju lutem dëgjoni apelin e prof. Arjan Harxhit nga spitali infektiv”, shkruan ministrja ndërsa ka ndarë videon e mjekut.
