PDIU dhe Shoqata Çamëria organizuan mesditën e sotme një tjetër aktivitet në sheshin “Skënderbej”, në kudër të 76 vjetorit të genocidit grek, cilësuar si “Java çame”.
Në një prononcim për mediat, kreu i PDIU, Shpëtim Idrizi njoftoi se sot ishte programuar edhe një protestë para ambasadës greke por e cila na u anullua nga policia shqiptare duke shfrytëzuar rastin e pandemisë.
“Këtë javë kemi organizuar më shumë aktivitete. Më vjen keq sepse sot ishte programuar dhe një protestë para ambasadës greke, por na u anulua nga policia shqiptare, duke shfrytëzuar faktin e pandemisë. Gjithashtu me 27 qershor në varrezat e Kllogjerit ne do të organizojmë homazhet për 3 mijë shqiptarë të Çamërisë, të cilët vdiqën në atë zonë. Është e turpshme që kemi marrë edhe një refuzim për të shkuar në varrezat e Kllogjerit, por unë i bëj thirrje të gjithë shqiptarëve të Çamërisë, i bëj thirrje të gjithë shqiptarëve që të vijnë dhe të nderojnë të bëjmë homazhë, të vendosim lule në varrezat e Kllogjerit sepse siç e kam thënë asgjë s’mund të na pengojë dhe ne shqiptarët e Çamërisë do lodhemi të fundit”, deklaroi Idrizi.
https://www.facebook.com/pdiu.al/videos/591825061716246/
