Ekspertët: Rritja e kredisë jo më shumë se 10 për qind në vit
Ekonomia e vendit ka përjetuar nivele ekstreme të kreditimit në dy dekadat e fundit. Me ritme rritje nga 100 për qind në vitet 2005 në nivele negative në 2015, kreditimi më shumë se mbulimin e nevojave për financim të ekonomisë, ka krijuar problem. Për këtë qëllim Banka Qëndrore kërkon që normat e rritjes vjetore të mos i kalojnë 10 për qind. Ky nivel sipas ekspertëve të bankës do të ishte i mjaftueshem për të parandaluar mbinxehjen e ekonomisë dhe gjithashtu do ti jepte asaj shtysën e nevojshme për një zhvillim afër nevojave reale të vendit.
Roli ndërmjetësues i sektorit bankar shqiptar u bë më i dukshëm pas vitit 2004. Disa nga karakteristikat që shoqëruan zhvillimin ekonomik e financiar, sidomos në vitet 2004-2008, ishin normat relativisht të larta dhe të qëndrueshme të rritjes ekonomike dhe inflacioni në nivele të ulëta. Kjo nxiti vec të tjerash edhe huadhënien kryesisht në monedha të huaja dhe zgjerimin e kreditimit sidomos për kredi hipotekore por pa arritur nivelet e huadhënies për bizneset. Dobësitë në vijin sollën një rritje problematike të kredisë së keqe, e cila ende nuk po vihet nën kontroll.
