Ish-Zëvendës ministrja e Arsimit, Nora Malaj ka uruar suksese të gjithë maturantëve në provimin e parë të Maturës Shtetërore.
“Përgjegjësi për Ministrinë që të realizojë standartin e këtyre provimeve, si dhe për të gjithë sistemin e arsimin parauniversitar”-ka shkruar në Facebook Malaj.
Postimi i plotë
Provimi i parë i maturës pas Covid!
Suksese maturantëve që sfiduat Covid -19!
Është hera e parë në historinë e provimeve të maturës shtetërore që provimet behen nën kujdes të veçantë dhe me maska e doreza ! Sot rreth 40 mijë maturantë në të gjithë Shqipërinë dhe rreth 1500 vëzhgues e administratorë po i nënshtrohen provimit të parë të Maturës Shtetërore, me rregulla strike dhe siguri për të respektuar protokollin e Covid -19! Kjo është një ngjarje e madhe për të gjithë ne !
Kjo është një ditë shumë emocioniese për Ju maturantë dhe mësuese!
Fatkeqësisht ju vitin e fundit thuajse vetëm 2 muaj bëtë në auditore, pasi një herë termeti e më pas Pandemia , jua bën të pamundur zhvillimin e mësimit në kushte normale. Keni kaluar kalvarin e vështirësive për mësimin on- line , pasi jo çdo kush nga ju mund të kishte akses në internet. Me të gjitha vështirësitë e pafundme dhe shtigje të panjohura për të gjithë ju ia dolët që sot të uleni në banka, me mjedise jo me shumë se 15 nxënës në një klasë, duke menaxhuar rregullat strikte të protokollit të distancimit nga Covidi, si dhe me masa të rrepta për ruajtjen e shëndetit tuaj. Natyrisht nuk është e lehtë të shkruash me doreza e maska në duar e fytyrë, dhe me stresin që ju mbartni me vete, në situatën pas pandemike që tashmë e gjithë shoqëria po kalon. Po jam e bindur që ju, mësuesit dhe prindërit tuaj dot’ia dilni, jo vetëm që ta realizoni provimin , por dhe të merrni rezultatet që ju dëshironi. Uroj shumë që ky sezon provimesh për ju të jetë një tjetër sfidë , që të gjithe bashkë do t’ia dalim!
Mos harroni, ju jeni të shtrenjtë dhe të rëndësishëm jo vetëm për prinderit tuaj , që bëjnë aq shumë sakrifiva dhe që thurrin aq shumë ëndërra për ju, po edhe mësuesve tuaj, që sot kanë po aq shumë emocion dhe dashuri për ju dhe e gjithë shoqëria që sot është pranë jush!
Mos harroni që ju jeni matura e parë , që do të mbaheni mend në histori , qe kaluat Pandeminë dhe që mbrritët në auditoret e shkollës për t’u quajtur Matura Pas Covidit!
Kjo është fitore e madhe ! Suksese e dalshi faqebardhë!
