Fieri është rikthyer në hartën COVID në vendin tonë. Siç raporton ISHP, gjatë 24 orëve të fundit janë konstatuar 2 raste të reja me koronavirus.
Bëhet me dije se rastet e reja me koronavirus janë kontakte të farmacistit, i cili rezultoi para disa ditësh pozitiv me koronavirus.
Mësohet se rasti i ri i konfirmuar me koronavirus në Durrës është një punonjëse fasonerie pjesë e grupit të repartit që tashmë është mbyllur deri në shuarjen e vatrës së infeksionit.
Gjatë 24 orëve të fundit në vendin tonë janë konfirmuar 12 raste të reja me koronavirus duke e çuar në 981 numrin e përgjithshëm të të infektuarve, mes të cilëve 31 kanë humbur jetën.
