Kreu i Partisë Demokratike, Lulzim Basha, shkruan në “twitter” se asnjë kryeministër në botë nuk gënjen si Edi Rama, që të mos iu japë njerëzve lekët.
Ai ka bërë dy postime në rrjetin social “Twitter”, ku i referohet problemeve socialo-ekonomike në periudhën aktuale që po kalojmë si pasojë e koronavirusit.
Postimet e plota të Bashës:
Asnjë KM tjetër në botë nuk gënjen si Rama që të mos u japë njerëzve lekët. Asnjë KM në botë nuk ka infektuar 2 bashki, sepse refuzon të paguajë punonjëset e fasonerive. Unë kam zgjedhur të jem zëri i të gjithë shqiptarëve të braktisur nga Rama që nuk e kanë marrë ndihmën që u takon.
Mashtrimet nuk hahen. Fjalët boshe nuk e ndihmojnë ekonominë. Gënjeshtrat dhe sajesat e shtetit prej kartoni nuk i fshehin dot vjedhjet, mashtrimet dhe dështimet e RAMAVIRUSIT që po rrënon ekonominë dhe po varfëron e shpunëson përditë shqiptarët.
