Prokuroria e Posaçme kundër Korrupsionit dhe Krimit të Organizuar, (SPAK) ka nisur hetimet në lidhje me çështjen e Teatrit Kombëtar, pas denoncimit të bëra nga Aleanca për Mbrojtjen e Teatrit.
Sipas padisë së dorëzuar nga Aleanca, në shkelje me ligjin është zhbërë një ligj i posaçëm i miratuar më parë nga parlamenti. Kjo ishte padia e dytë, ndërsa padia e parë ishte për “Shpërdorim detyre” dhe “mosdhënie informacioni”.
Po sot Aleanca për Mbrojtjen e Teatrit depozitoi edhe në Prokurorinë e Tiranës kallzim penal ndaj tre inxhinierëve të Institutit të Ndërtimit që kanë firmosur akt-ekspertizën për shembjen e Teatrit, pa kryer inspektime në godinë.
Këshilli Bashkiak vendosi të enjten, 14 maj, shembjen e godinës së teatrit duke u bazuar në një akt ekspertizë të Ndërtimit që mban datën 13 maj.
