Janë bërë publike shifrat e fundit përsa i përket numrit të të infektuarve nga Covid-19 në Mbretërinë e Bashkuar.
Në 24 orët e fundit janë regjistruar 210 viktima si pasojë e koronavirusit, duke e çuar në 32.065 numrin e përgjithshëm të jetëve të humbura. me 3877 rastet e reja në 24 orët e fundit, numri total i të prekurve shkon në 223.060.
Prej kohësh, në faqen zyrtare të raportimeve të shifrave të Covid-19 për çdo shtet, Britania nuk e raporton numrin e të shëruarve apo përditësimin e numrit të pacientëve në gjendje kritike.
Ndërkohë që nga përhapja e pandemisë në vendin ishullor janë bërë afro 2 milionë testime.
