Qeveria Turke ka vijuar masat ndaj pandemisë globale të shkaktuar nga koronavirusi duke ndërtuar spitale për tu ardhur në ndihmë të prekurve me Covid-19. Mirëpo këto masa duket se nuk po koordinohen mirë mes autoriteteve Turke duke sjellë debat mes pushtetit qendror dhe atij vendor.
Një spital për të infektuarit me COVID-19 po ndërtohet në pistat e aeroportit “Ataturk” të Stambollit.
Ky lajm ka marrë shumë kritika nga kryetari i Bashkisë së Stambollit, i cili ka akuzuar qeverinë se po e shkatërron qëllimisht aeroportin.
Ekrem Imamoglu u shpreh i revoltuar pasi Turqia aktualisht ka 82.329 raste të konfirmuara me koronavirus, duke tejkaluar kështu Iranin, vendin me më shumë raste të konfirmuara me COVID-19 në Lindjen e Mesme.
Kujtojmë që aeroporti “Ataturk” ka qëndruar i mbyllur për udhëtarët për afërsisht një vit, duke u përdorur vetëm për fluturime e transportit të mallrave dhe për zyrtarë të qeverisë.
