Eksperti i ekonomisë, Sherefedin Shehu në një intervistë të dhënë foli në lidhje me masat e ndërmarra nga qeveria për bizneset dhe individët pas mbylljes nga COVID-19.
Shehu shprehet se situate ekonomike në vend do të përkeqësohet dhe se paketat e ofruara në tërësi si për individët dhe për bizneset nuk garanton zbutje të efekteve të krizës.
Reagimi i plotë:
“Është lënë jashtë mbështetjes biznesi. Do ta karakterizoja mbështetjen e ofruar deri tani si një mbështetje selektive për qytetarët dhe një mbështetje që mungon për biznesin. Nuk pres përmirësim por mendoj se situate do të përkeqësohet, qeveria nuk ka garantuar mbështetje për gati gjysmën e qytetarëve. Kjo do të thotë se ke lënë pa mbështetje gjysmën e popullatës. Kemi një mbështetje të popullsisë të përshkallëzuar.
Biznesi jo vetëm që nuk është mbështetur por është rënduar. Janë rënduar bankat duke i detyruar të mos arkëtojnë kreditë nga klientët e tyre. Janë rënduar bizneset duke i ofruar kredi tregtare duke detyruar bizneset që të paguajnë punonjësit e tyre të cilët ose punojnë ose nuk punojnë.
Duhet të kishte një paketë mbështetje reale për biznesin, sepse mbështetja reale e biznesit ka efekte të dyfishta. E para do të garantojë vazhdimin normal të punës dhe rritjen e ekonomike të vendit dhe E dyta do të rrisë punësimin e njerzve duke bërë që të ulë koston e fiunacimit që qeveria do të bëjë për mbështetje sociale të qytetarëve
Mbështetja e deritanishme si për bizneset dhe për individët në tërësi nuk garanton një zbutje të efeketeve të krizës, por e shikoj si precedente që do të përkeqësohet në të ardhmen. Qeveria duhet të reagojë sa është në kohë” u shpreh Shehu.
Ndërtimet në Zvërnec/ Protestuesit shkojnë te selia e PD, thërrasin në kor ‘opozitë e shitur’ –
Duket se protesta e sotme ende nuk ka përfunduar. Protestuesit, pasi u shpërndanë me grupe në disa zona të Tiranës,...
