Nga Dritan Kaba
Mbremë në emisionin e orës 17.30 “Pomeriggio 5” në Canale 5, emision i drejtuar nga Barbara D’urso, një pjesë e veçantë e ketij emisioni iu kushtua një çifti shqiptar, që posedojnë një dyqan me prodhime brumi ose ndryshe panetteria!
Çifti shqiptar dhuronte qese për njerëzit në nevojë që mbanin brenda makarona, bukë, pica etj! Jashtë dyqanit ata kishin varur qeset e mbushura edhe kush kishte nevojë kalonte i merrte pa thënë asnjë fjalë, pa bërë asnjë porno foto, siç i ka cilësuar me shumë të drejtë, mikja ime e ditur Elona Caslli!
Ata i vendosnin qeset edhe jashtë në rrugë duke i varur tek një gardh metalik i trotuarit!
Për mua këta janë bamirësit e vërtetë, jo ato porno fotozhenikët e pamëshirshëm me varfërinë dhe dinjitetin njerëzor!
Merrni pak shembull ju “bamirësit” me foto e filmime! Të marrin pak shembull këta kryebashkiakët, që të sjellin zorrët tek goja me përdorimim më të keq të varfërisë. Edmondi dhe Sandra e bëjnë bamirësinë me punën, sakrificën dhe djersën e tyre, ndërsa këta të pashpirt me taksat e të gjithë shqiptarëve!
Edmondi dhe Sandra janë pikërisht shembulli më i mirë i bamirësisë me fytyrë njerëzore!
Zoti i bekoftë ata edhe bijën e tyre Vanesa!
https://www.facebook.com/didkaba/videos/10216670352299042
