Nga koronavirusi në Britaninë e Madhe ka humbur jetën një djalë 13-vjeçar, Ismail Mohamed Abdulwahab.
Mediat britanike raportojnë se 13-vjeçari që ndërroi jetë në spitalin Kings College, nuk kishte asnjë problem të mëparshëm shëndetësor.
Mjekët thanë se trupi i 13-vjeçarit nuk ka dalë ende nga morgu, pasi pritet t’i nënshtrohet autopsisë për përcaktimin më të qartë të shkaqeve të vdekjes. Kjo për shkak se ai kishte rezultuar pozitiv me koronavirus por ishte në moshë tepër të re dhe nuk kishte probleme të mëparshme shëndetësore.
Kryesisht koronavirusi shkakton komplikacione te moshat e treta me probleme shëndetësore shoqëruese, apo imunitet të dobët duke rezultuar fatal në shumë raste.
