Kreu i shtetit Ilir Meta do të mbledh ditën e sotme Këshillin e Sigurisë.
Në kuadër të masave të marra mësohet se mbledhja do të zhvillohet online në orën 12:00 duke ruajtur distancën e sigurisë së domosdoshme.
Në këtë mbledhje ka konfirmuar pjesëmarrjen e tij edhe kreu i Partisë Demokratike Lulzim Basha.
Përgjigja e Bashës erdhi pas ftesës së presidentit Meta ndaj kreut të opozitës, për të marrë pjesë në mbledhjen e sotme të Këshillit të Sigurisë Kombëtare.
Tema e diskutimit do të jetë situata me pandeminë e Covid-19 e cila ka prekur edhe Shqipërinë.
