Presidenti Ilir Meta i bën thirrje qeverisë të mirëpresë e studiojë të gjitha propozimet konstruktive që i vijnë për përballimin e situatës ekonomike dhe sociale pas përhapjes së koronavirusit.
Përmes një postimi në Facebook, Meta shprehet se propozimet duhen mirëpritur në interesin më të mirë të vendit dhe qytetarit, jo vetëm tani, por dhe në perspektivë afatgjatë.
“Të gjitha idetë dhe propozimet realiste e konstruktive për përballimin e situatës ekonomike e sociale, për shkak të emergjencës të shfaqur, me qëllim menaxhimin sa më efektiv e të suksesshëm, duhen mirëpritur e studiuar me përgjegjshmëri dhe vizion në interesin më të mirë të vendit dhe qytetarit, jo vetëm tani, por dhe në perspektivë afatgjatë. ??”, shkruan Meta.
