Shefja e departamentit të Sëmundjeve Infektive, Silva Bino, iu drejtohet të gjithë qytetarëve me një mesazh të rëndësishëm për të mposhtur koronavirusin.
Nëpërmjet një videoje të shpërndarë nga ministrja e Shëndetësisë, Ogerta Manastirliu, Bino iu kërkon qytetarëve të vetëizolohen, nëse shfaqin shenja respiratore, të ruajnë distancën 1 metra me të tjerët.
“Dua t’iu drejtohem të gjithë qytetarëve, që të jenë të përgjegjshëm të qëndrojnë në shtëpi. Nëse kanë shenjën më të vogël respiratore të vetëizolohen. Të përpiqen të ruajnë distancën të paktën 1 metër nga personat e tjerë. Këto masa janë mjet shumë i rëndësishëm, që shpeshherë bie mbi vetë individin. Paniku nuk të çon askund. Qëndrueshmëria është elementi më i rëndësishëm me të cilin ne duhet të luftojmë këtë armik. Punonjësit janë në vijën e parë të frontit për të ruajtur shëndetin e qytetarëve, por kjo nuk mjafton. Ata duhet të ndihmohen nga vetë qytetarët”, shprehet Bino.
https://www.facebook.com/OgertaManastirliu/videos/1744721852368544/
