Presidenti i Republikës, Ilir Meta, në konferencën e mbajtur për mediat pasditen e sotme ka publikuar të tjera fakte për grushtin e shtetit për të cilin akuzon maxhorancën.
Meta u shpreh se një konferencë e tillë akoma më e madhe mund të mbahet edhe në Bruksel për të kuptuar se si Rilindja ka vepruar për të zhdukur Gjykatën Kushtetuese.
“Në ditët që vijnë mund të vendosim dhe një më të madh dhe shumë shpejt mund ta vendosim dhe në Bruksel, në anglisht që të kuptojnë perlën e rilindjes, se si një organizatë rrëmben në mënyrë antikushtetuese, antiligjore dhe mafioze, anëtarët e Gjykatës Kushtetuese për të mos pasur më në të ardhmen Shqipëria Gjykatë Kushtetuese por polici antikushtetuese të regjimit të Lleshit”, deklaroi Presidenti.
