Drejtori i Këshillit Shqiptar të Medias, Koloreto Cukali, në një intervistë të dhënë, thotë se përmes ligjit anti-shpifje, AMA do të marrë më shumë kompetenca që nuk i takojnë.
Sipas Cukalit, AMA do të kthehet në “gjykatë” për mediat online dhe mund t’i falimentojë ato përmes gjobave.
“Ky nuk është një ligj për median, por është një ligj për AMA. Nuk ka të bëjë me shpifjen dhe nuk ka të bëjë me median. I jep AMA një sërë kompetencash që nuk i takojnë. AMA nuk ka mjetet dhe njerëzit dhe besueshmërinë për ta realizuar këtë gjë që kërkon ligji. I kërkon AMA-s një gjë që ta zgjidh për 3 ditë, ndërkohë gjykata do muaj. Vetëm nëse AMA bëhet gjykatë mund të ndodhë kjo. Te ama vjen dikush pa trajnim, edhe gazetar, mund të gjobisë media dhe t’i falimentojë.
Në një rresht të ligjit thotë se gjoba që vë AMA ekzekutohet mbas dy ditësh. Qeveria nuk mund të thotë se ky lajm është i vërtetë apo jo. Prania e përfaqësuesve evropianë tregon se Evropa nuk është dakord me këtë ligj.
ERTV mund të thotë ç’të dojë, por ama nuk e kap, është vetëm për mediat online. Edhe nëse je politikan dhe flet në parlament dhe sërish ky ligj nuk të kap”, është shprehur Koloreto Cukali.
Zbulohet lokali për lojëra fati në Kavajë, shpallen në kërkim dy të rinj –
Policia e Shtetit ka vijuar operacionin “Fati i Lojërave”, duke zbuluar dy ambiente të përshtatura për lojëra fati në Kavajë....
