Pas derbit kryeqytetas mes Partizanit dhe Tiranës, stadiumin e ri, “Arena Kombëtare” do të hapë dyert për një tjetër sfidë të rëndësishme në kampionatin shqiptar.
Bëhet fjalë për ndeshjen mes Kukësit dhe Partizanit ndërsa ka qenë vetë klubi veri-lindor që e ka njofuar këtë gjë.
Përmes një postimi në “Instagram”, klubi bën me dije se ka arritur marrëveshjen me Federatën Shqiptare të Futbollit që supersfida me kampionët e Shqipërisë të luhet në “Air Albania”.
Ndërkohë një vendim I tillë është marrë edhe për shkak se në stadiumin e Kukësit po kryhen punime teksa klubi dëshiron që beteja me rivalët për titull, Partizanin të jetë një reklamë shumë e mirë për kampionatin tonë.
