Zvonimir Boban nuk i ka kursyer elozhet për Zlatan Ibrahimovic, por ka edhe një mesazh të qartë për të gjithë lojtarët dhe stafin teknik. Humbja 5-0 përballë Atalantës në ndeshjen e fundit të vitit 2019 është e patolerueshme dhe askush nuk duhet të guxojë për ta harruar.
“Nuk duhet të harrojmë Bergamon, nuk mund ta harrojmë atë humbje të shëmtuar dhe të tmerrshme. Askush, por absolutisht askush nga ne, nuk duhet të fshihet pas shpatullave të gjëra të Ibrahimovic.
Jemi të bindur që Ibra do të na japë një dorë të madhe të gjithëve, jemi të lumtur që e kemi këtu. Jemi krenar që po përqafojmë një lojtar unik dhe jemi optimistë që rreth efektit pozitiv që do të krijojë në skuadër dhe në ambientin kuqezi“, thekson drejtuesi i kuqezinjve. /abcnews.al
