Kreu i Partisë Demokratike, Lulzim Basha ka organizuar një mbledhje me ish-deputetët e PD-së dhe anëtarët e kryesise në selinë blu për vendimin e Gjykatës së Tiranës për dënimin e Ervin Salianjit, miratimit në parlament të paketës anti-shpifje për mediat dhe shtyrjes me tre muaj të gjendjes së jashtëzakonshme.
Basha shprehet se dënimi i Salianjit është politik njësoj si dënimi i Tahirit i cili sipas tij ishte trafikant droge dhe u dënua me shërbim ndaj komunitetit, ndërsa ish-deputeti që denoncoi trafikun është dënuar me burg.
“Ervin Salianji mori denim politik, sepse denoncoi perfshirjne ne trafik droge te Ministrit të Brendshem. Denimi i Salianjit tregon se si po e perdor Rama drejtesine. Tahiri, qe kanabizoi Shqipërine me Ramen, denohet pune ne sherbim te komunitetit, Salianji qe denoncoi trafikun e droges, denohet me burg.”, shprehet Basha.
Basha ka deklaruar gjithashtu në lidhje me paketën anti-shpifje se është kriminale dhe bën presion duke i ndaluar të drejtën e fjalës kujtdo që përpiqet të zbulojë krimin dhe korrupsionin.
“Gjendja ekonomike dhe kriza politike eshte renduar pas deshtimit te qeverise per te menaxhuar pasojat e termetit dhe perpjekja kriminale per te mbyllur gojen mediave. Rama kerkon t’u mbylle gojen mediave, duke i bere presion kujdo qe hedh drite mbi abuzimin dhe korrupsionin. Qellimi i Edi Rames eshte mbyllja e gojes se opozites per faktin e vetem se kemi zbuluar dhe denoncuar lidhjet e ketij pushteti me krimin, vjedhjen e fondeve, korrupsionin dhe PPP korruptive”, mësohet të ketë thënë Basha.
Basha gjithashtu thot se shtyrja me 3 muaj e gjëndjes së jashtëzakonshme prej tërmetit të 26 Nëntorit, është një lëvizje e Ramës pëe të justifikuar mungesën e vullnetit të tij në plotësimin e kushteve të Budestagut gjerman.
“Edi Rama zgjati gjendjen e emergjences jo per t’u ardhur ne ndihme qytetareve, por per te justifikuar mungesen e vullnetit te tij per te plotesuar kushtet e vendosura nga bundestagu, pa te cilat Shqiperia nuk avancon dot ne rrugen e integrimit”, është shprehur kreu demokrat.
