Një projektvendim i cili, i është dërguar Kuvendit, propozon që gjendja e fatkeqësisë natyrore në Shqipëri të jetë aktive deri në 31 mars 2020.
Është kryeministri Edi Rama ai që ka bërë kërkesën për shtyrjen e afatit, ndërsa dokumenti i siguruar nga “Shekulli” nuk jep shpjegime pse kërkohet ky zgjatim.
Diskutimet për këtë kërkesë pritet të nisin sot në Komisionin e Sigurisë, ndërsa kujtojmë se vendi ynë është në gjendjen e fatkeqësisë natyrore (qarku Tiranë, Durrës dhe Lezhë) që prej datës 27 nëntor.
