Mesila Doda: “Problemi nuk janë gratë shqiptare dhe as ato të Maqedonisë, problem është mafia që ka kapur burrat e politikës
E ftuar në Konferencën e grave parlamentare të Rajonit, deputetja e BDI-së, Ermira Ahmeti, ka folur për videopërgjimin e një bisede intime, ku supozohej se ishte zëri i saj.
“Më gjykoi një lloj tradite dhe nuk më mbrojti asnjë ligj”, ka thënë deputetja Ermira Mehmeti. Ajo ka sqaruar se biseda intime ku thuhej se ishte pjesë, është vetëm një montim dhe asgjë më shumë. Mehmeti ka theksuar se është ende duke vuajtur pasojat e asaj ngjarjeje. E ka mbyllur fjalën e saj e përlotur për sulmet që ajo përjetori për disa ditë me radhë.
Menjëherë pas Mehmetit, kryetarja e Aleancës Grave Deputete, Mesila Doda, ka theksuar se nuk është rasti i parë kur goditet një grua dhe jo sepse është grua e mirë apo më pak e mirë, por se është grua. Doda është foli për sulmet ndaj grave në politikë duke u përqendruar kryesisht në rastin e Mehmetit dhe terrrenin, në të cilën ajo u godit nga mediat shqiptare dhe jo shqiptare.
“Të rrëfej se secila nga ne përjetoi të gjithë atë eksperiencën tuaj. Kam dyshuar nëse duhej të bënim prononcim publike por e bindur që sa herë që flisnim I vinim më shumë flakë një zjarri që nuk kishte të bente më ju por me jo vetëm me cështjen e shqiptarëve por dhe të qeverisë. Ndaj u gjet një jetë njeriu. Nuk je vetëm në këtë betejë. Të gjithë kemi pasur eksperienca goditje të ulëta. Të gjitha këto zonja në parlament. Kanë pasur insinuate intriga janë goditur. Jo sepse janë gra të mira apo jo të mira, por sepse janë gra që mbajnë pushtet dhe thyejnë modelin e grave të pushtuara dhe këtë një burrë I keq nuk e duron dot. Në rastin tuaj ka të bëjë me cështjen e Maqedonisë. Vazhdoj të mendoj se problem i Maqedonisë është respektimi i të drejtave të shqiptarëve që nuk është bërë kurrë dhe të mos fshihen prapa gishtit asnjë politikan shqiptar apo mbartës të pushtetit në Maqedoni. Problemi nuk është Ermira Mehmeti, gratë shqiptare të Maqedonisë, apo gratë maqedonase. Problemi janë ata vetë dhe mafia që është instaluar aty dhe jo vetëm aty“, ka thënë Mesila Doda.
