Kryeministri i Shqipërisë, Edi Rama ka postuar ditën e sotme një video në rrjete sociale në të cilën harta e Kosovës shfaqej si pjesë e Serbisë.
Kjo ka sjellë reagime nga ana e zyrtarëve të Lidhjes Demokratike të Kosovës. Përmes postimeve në rrjetet sociale, ata i tregojnë Ramës se, Kosova është shtet i pavarur.
“Për ata që “nuk e dinë”, për Edin e Shqipërisë, Kosova shtet i Pavarur e sovran është shpallur më 17 shkurt 2008, me hartën dhe kufijtë e saj. Nuk habitem me turpin e tij të radhës”, shkruan Ismet Beqiraj.
“Mirëmëngjesi JO, po natën e mirë TY dhe gjithë atyre që mendojnë për idet e mbrapshta. Kosova shtet sovran dhe e pavarur”, shkruan ish-deputeti Armend Zemaj.
