Rreth 176 kg lëndë narkotike metamfetaminë janë gjetur nga autoritetet aziatike brenda strukturave të disa pistave vrapi që po transportoheshin për në juglindje të kontinentit.
Vlera në treg e sasisë së sekuestruar arrin në 200 milionë dollarë. Sipas policisë së Bangkok, u arrestua pronari i magazinës, 44 vjeç me akuzën e mbajtjes dhe tentativës për të trafikuar lëndën narkotike.
“Muajin e kaluar, policia Australiane mbylli me sukses një çështje të ngjashme ku sasinë e drogës e kishin fshehur brenda pajisjeve sportive. Ndaj dhe ne ndoqëm të njëjtën logjikë dhe ia dolëm”, deklaroi për Reuters kreu i Byrosë së Narkotikëve të Bangkokut.
