Ministrja e Drejtësisë, Etilda Gjonaj po mban një konferencë për shtyp së bashku me prokurorin e Antimafias italiane Federico Cafiero De Raho, me temë “Administrimi i pasurive të konfiskuara”.
Gjatë fjalës së tij, prokurori i Antimafias italiane deklaroi se lufta kundër krimit dhe bashkëpunimit mes bandave shqiptare dhe atyre italiane për trafikimin e kokainës mbeten ende sfida dhe probleme të hapura.
Sipas tij, organizata e njohur mafioze italiane, Ndrangheta, ka lidhje të fuqishme me elementë kriminalë shqiptarë.
De Raho foli për rëndësinë që ka konfiskimi i pasurive të mafias, duke e bërë ketë të fundit të pafuqishme për të vepruar.
“Me ministren shqiptare të drejtësë, znj,Gjonaj, kemi pasur bashkëpunime.
Ne kemi një problem dhe sfidë të përbashkët, luftën ndaj krimit. Elementët kriminale shqiptarë dhe italianë, bashkëpunojnë shpesh për kokainën. Organizata kriminale, Ndrangheta ka lidhje të forta në Shqipëri.
Konfiskimi parandalues është armë e fuqishme kundër krimit. Sepse duke i konfiskuar pasurinë, ne e i bëjmë këro organizata kriminale të pafuqishme për të vepruar. Por mbi të gjitha, nevojitet një lloj i veçantë trajtimi për të dënuarit e Kësaj kategorie”, tha De Raho.
