Ka përfunduar aksioni i IKMT-së në zonën e Unazës së Re për prishjen e banesave.
Nga operacioni që filloi mëngjesin e sotëm, u prishen 33 objekte nga të cilat 15 objekte një katëshe, 11 objekte 2 katëshe, 6 objekte 3 katëshe dhe 1 objekt katër katësh.
IKMT shprehet se janë bërë gati dëmshpërblimet, një pjesë e të cilave të tërhequra nga banorët.
Ndërkohë kujtojmë se gjatë aksionit forca të shumta policore kanë sulmuar banorët të cilët bënin rezistencë për mos-prishjen e banesave me gaz lotsjellës.
Për pasojë 12 persona kanë mbetur të plagosur 7 prej të cilëve qytetarë dhe 5 të tjerë punonjës të policisë.
Burime bëjnë me dije se numri i të lënduarve në radhët e policisë ka qenë më i madh, por një pjesë e tyre nuk janë paraqitur fare në spital për të marrë mjekim.
