A është agjent i Greqisë Edi Rama?

Nga Arben Llalla

Pyetja nëse është agjent i Greqisë Edi Rama, është sa provokative dhe e habitshme, kur mendon se kryeministri i Shqipërisë Rama t’i shëbejë me aq zell vendit që mban Ligjin e Luftës dhe ka kryer gjenocid ndaj popullsisë shqiptare të Çamërisë.

Akuza se Edi Rama është i rekurtuar nga sigurimi i Greqisë në vitin 1993 e ka bërë Sali Berisha, i cili një një televizion ka thënë  që Rama shoqërohej me konsullen greke, Elenin nga Selaniku (Eleni ka qenë oficere kontakti i Sigurimit të Greqisë në Shqipëri dhe ende punon në Selanik si oficere zbulim dhe kundërzbulimi në shkallën e tretë të MPJ).

Në fakt, ky shkrim nuk bazohet vetëm tek pikëpyetja me akuzë të rëndë që deklaroi Berisha, por tek aksionet që Rama ka bërë në dëm të kombit shqiptar dhe në dobi të Greqisë për aneksimin e jugut të Shqipërisë.

Ja cilat janë veprimtaritë ku është përfshirë Edi Rama në dëm të shqiptarëve duke mos lënë pas dore ata të Kosovës dhe Maqedonisë së Veriut.

1. Edi Rama sapo erdhi kryeministër provokoi artificialisht Greqinë duke ngritur tensione pa shkak, për të dëmtuar imazhin e Shqipërisë.

2. Izoloi Çështjen Çame duke punuar për përçarjen dhe asgjësimin e Shoqatës Patriotike Çamëria dhe PDIU.

3. Nxiti luftën fetare duke prishur me aq zhurmë kishën në Himarë dhe duke e rindërtuar të re në heshtje.

4. Nxitoi për të zgjeruar ndërtimin e varrezave të ushtrisë greke në jugun e Shqipërisë.

5. Po përgatit terrenin që në regjistrimin e popullsisë që do mbahet më 2020, të njohë Korçën dhe Himarën si zona ekskluzive, ku gjoja pakica greke është shumicë.

6. Ka zhvilluar takime fshehtas me lobin greko-himariotas në SHBA dhe nuk dihen detyrat që ka marrë për të realizuar në dëm të Shqipërisë.

7. Shumë pikëpyetje ka dekorimi i Ramës nga Patriarkana Greke e Jeruzalemit si Kalorës Kryqtar Mbrojtës i Ortodoksisë Greke.