Presidenti i vendit Ilir Meta është shprehur i lumtur që u kthye në parlament pas një periudhë thuajse 2 vjeçare.
Me anë të një statusi në “Facebook”, Meta thekson se do të jetë në presidencë deri më datë 24 korrik 2022, kur mbaron edhe mandati i tij si president.
Postimi i Ilir Metës:
Shumë i lumtur që m’u dha sot mundësia të kthehem në Parlament pas një mungese gati dy vjeçare, për të rikonfirmuar edhe njëherë se deri në 24 korrik 2022, Institucioni i Presidentit do të jetë një kështjellë e pamposhtur në mbrojtje të Kushtetutës, demokracisë, pluralizmit, interesit kombëtar dhe atij publik, me qëllimin e vetëm anëtarësimin e shpejtë dhe pa vonesa të Shqipërisë në Bashkimin Europian.
