Një prej të plagosurve të sulmit me armë në lokalin e tij në plazhin e vjetër në Vlorë nuk ka mundur t’u mbijetojë plagëve të mara.
Mësohet se Arben Beqiraj ka humbur jetën rreth orës 1:00, në mesnatë, pasi ai kishte marrë 6 plumba në organet jetike, mushkri, bark, duar dhe këmbë.
Ndërkohë dy personat e tjerë të plagosur në të njëjtën ngjarje, Egert Beqiraj dhe Nesim Hodaj janë jashtë rrezikut për jetën.
Sulmi me armë ndodhi pasi dy persona janë zënë me grushta me pronarin e lokalit dhe pastaj kanë vrapuar drejt makinave të tyre, prej nga kanë marrë kallashnikovë dhe kanë qëlluar drejt tij drejt e në kraharor.
Të dy vrasësit janë larguar më pas në drejtim të pyllit të Sodës dhe Policia është vënë në ndjekje të tyre.
Informacioni paraprak i policisë
Në Vlorë, ne lagjen 1 Maj, në një lokal në pronësi të shtetasit A.B, ka ndodhur një konflikt për motive banale. Si pasoje e konfliktit është plagosur i zoti i lokalit shtetasi A.B, që ndodhet në gjendje të rëndë dhe dy shtetas të tjerë që janë jashtë rrezikut për jetën.
Policia ka identifikuar dy autorët e ngjarjes, shtetasit SH.L dhe E.XH.
Në ndjekje të autoreve është vënë Policia e Vlorës, Delta Forcë dhe FNSH e Fierit.Grupi hetimor ndodhet në vendngjarje dhe po punon për sqarimin e rrethanave të ngjarjes si dhe sekuestrimin e çdo prove që do ti shërbejë hetimit.
