Një aksident i rëndë ka ndodhur në Boboshticë, ku një automjet tip “Benz” ka përplasur një këmbësor dhe është larguar menjëherë nga vendi i ngjarjes.
Mësohet se 60 vjeçari ende i pa identifikuar është transportuar menjëherë në spital në gjendje të rëndë shëndetësore.
Njoftimi i policisë
Korçë
Informacion paraprak.
Më datë 14.06.2019, në rrugën Korçë-Boboshticë, një mjet tip “Benz” ka përplasur një shtetas rreth 60 vjeç, këmbësor në rrugë (ende i paidentifikuar) dhe ka braktisur mjetin duke u larguar nga vendngjarja.
I aksidentuari, pasi ka marrë ndihmën në Spitalin e Korçës, u transportua në Tiranë për mjekim më të specializuar, pasi ndodhet në gjendje të rëndë shëndetësore.
Grupi hetimor po punon për identifikimin dhe kapjen e autorit, si dhe për sqarimin e rrethanave të ngjarjes.
