Presidenti i Serbisë, Aleksandar Vuçiç ka komentuar deklaratat e fundit nga presidenti i Kosovës, Hashim Thaçi në lidhje me bashkimin me Shqipërinë.
Vuçiç ka deklaruar se Serbia do të reagojë në mënyrë serioze, të përgjegjshme dhe të vendosur nëse vjen deri tek një referendum për bashkimin e Kosovës me Shqipërinë.
I pyetur për të komentuar deklaratat e fundit nga presidenti i Kosovës, Hashim Thaçi në lidhje me bashkimin me Shqipërinë, Vuçiç ka thënë: “Para tri ditësh kam njoftuar Bashkimin Evropian, për atë që ka thënë Thaçi dhe më kanë përsëritur njësoj, se kjo nuk do të ndodhë”.
Presidenti i Serbisë, ka shtuar se Serbia do të reagojë fuqishëm nëse ndodh diçka e tillë.
