Kryeministri i Kosovës, Ramush Haradinaj ka deklaruar se heqja e taksës ndaj Serbisë do të bëhet vetëm nëse do të ketë njohje reciproke Kosovë-Serbi.
Gjatë takimit me shefen e Zyrës së BE-së në Kosovë Nataliya Apostolova, Haradinaj mori edhe progress-raportin për Kosovën.
Në lidhje me raportin, Haradinaj Haradinaj tha se raporti ka gjëra pozitive dhe negative. Kreu i shtetit cilësoi dokumentin si një pasqyrim i të gjeturave mbi ngecjet dhe përparimin e bërë brenda një viti në vend.
“Në disa raste është pozitiv, ndërsa në raste të tjera ka kritika, shembull si rasti i taksës, por përgjithësisht është raport që përmban suksese dhe kritika ndaj Kosovës”, është shprehur ai.
Sa i përket numrit të zëvendësministrave aktualë, e cila përmendet në raportin e Progresit, Haradinaj tha se kjo është diskutuar në ligjin për qeverinë, i cili do ta zgjidhë këtë problem për të gjitha qeveritë e ardhshme.
