Një shtetas shqiptar është arrestuar nga karabinierët në Itali, në zonën e Sambuceto pasi është kapur me 85 gramë kokainë.
Në pranga ka rënë 36 vjeçari me inicialet C.L dhe me banim në Pescara teksa po ia shiste drogën një personi tjetër.
Karabinierët kanë parë nga larg një shkëmbim të pazakontë mes dy personave dhe menjëherë janë afruar. Në moment i riu shqiptar ka futur lëndën narkotike në xhepin e xhaketës për ta fshehur nga policia.
Nga kontrolli i bërë 36 vjeçarit me banim në Pescara i është gjetur përveç kokainës dhe një thikë 15 cm e gjatë, ndërsa në kontrollin e banesës nuk është gjetur asgjë tjetër e jashtëligjshme.
