Këtë të enjten në kufitarin mes Kosovës dhe Serbisë, është ndaluar nga ana e policisë serbe, Sërgjan Jovanoviç, anëtar i Partisë Liberale Serbe, njëherësh edhe këshilltar i kryeministrit të Kosovës, Ramush Haradinaj.
Kryetari i Partisë Liberale Serbe, Sllobodan Petroviç ka thënë për Radion Evropa e Lirë se ky nuk është rasti i parë që zyrtarët e kësaj partie ndalohen në vendkalimet kufitare mes Kosovës dhe Serbisë.
Kryeministri i Kosovës, Ramush Haradinaj tha se ky rast dëshmon qartë se metodat e frikësimit që përdoren nga autoritetet serbe, janë një shenjë agresioni, karshi qytetarëve të Kosovës.
https://www.facebook.com/RamushHaradinajOfficial/posts/1149784318479314
Akti i ndaljes së Sërgjan Jovanoviçit nga ana e autoriteteve serbe, sipas kryetarit të Kuvendit të Kosovës, Kadri Veseli, ka për qëllim nxitjen e urrejtjes dhe pasigurisë tek serbët e Kosovës.
https://www.facebook.com/kadriveseliofficial/posts/1243028052539065
