Një shtetas shqiptar ka rënë në prangat e policisë italiane pasi iu gjetën kokainë dhe hashash.
Media italiane “Fireze Today” raporton që gjatë një kontrolli të territorit, policia vuri re dy burra të dyshimtë që qëndronin në Piazza Tasso. Dy burrat u kontrolluan, edhe për faktin se ata më herët kishin qenë të inkriminuar për drogë e krime kundër pronës.
34-vjeçari shqiptar u arrestua, pasi në momentin e kontrollit, u përpoq që të nxjerrë nga xhaketa një sasi prej disa gramë kokainë.
Pas kontrollit edhe në xhepin e pantallonave të 34-vjeçarit shqiptar, iu gjet hashash dhe 200 euro të gatshme.
