Tashmë, është e qartë që ndaj konservatorit Kujtim Gjuzi ka një komplot politiko-mediatik. Mediat e qeverisë po mundohen të krijojnë tek Rudina Hajdari udhëheqësen e “opozitës së re” dhe mekanizmi kryesor i Edi Ramës është bllokimi i mandatit të pellazgut Kujtim Gjuzi.
Rudina Hajdari, së fundmi ka marrë dhe mbështetjen e shtetasit shqiptar me origjinë nga Leçe, Karlo Bolino. Ky i fundit, ashtu si Mero Baze, Astrit Patozi dhe avokat Ngjela qahen që Rudinën nuk po e lënë të bëhet lidere.
I fundit që u përfshi në këtë komplot si sfidant mëngjërash është Koço Kokëdhima që shpalli kandidaturën e tij për Bashkinë e Tiranës.
E gjitha është një skemë e qartë, vetëm e vetëm që Kujtim Gjuzi mos të bëhet deputet i Republikës së Shqipërisë dhe mos të udhëheqë të djathtën, në mënyrë që të rrëzojë Edi Ramën.
Por, Kujtim Gjuzi dhe parti të tjera të djathta si LDE e Arian Galdinit e kanë kuptuar hilenë dhe janë rregjistruar për pjesëmarrjen në zgjedhjet vendore, në të cilat fitorja e kandidatit të tyre ndaj Erion Velisë ka për të qenë e sigurtë, atëherë ka për t’u parë se cfarë force ka e djathta konservatore në këtë vend.
* Në foton e shkrimit/ Kujtim Gjuzi si frymëzim i filmit “Blues Brothers”
