Ish-kryetari i FRPD-së, Belind Këlliçi ka deklaruar se iniciuesi i dhunës së ushtruar sot në protestën e opozitës ishte pikërisht një civil nga Policia e Shtetit.
I ftuar në studion e Fax News, Këlliçi akuzoi Policinë e Shtetit për nxitje të mëtejshme të protestës nëpërmjet civilëve.
Këlliçi nuk la pa përmendur edhe rastin e dhunës që u ushtrua dje ndaj ish-deputetit dhe ish-pedagogut të tij, Luciano Boçi ndërsa theksoi se ndërkombëtarët do të bëhen një me vendimin e opozitës për djegien e mandateve.
“Kam parë dhunë dje ndaj ish-pedagogur Luciano Boci. Ai është dhunuar nga ish-bashkëpuntori i Fredi Alizotit. Qeveri është ajo që po ushtron dhunë dhe askush nga protestuesit tanë.
Ajo që pamë sot ka qënë një keqkuptim mes të rinjve të cilët nuk e njohnin mirë njëri tjetrin, ndërkohë që para kryeministrisë ishte një civil ai i cili nisi dhunën.
Ka qënë Policia e Shtetit ajo që nxit dhunën dhe nuk ka asnjë lidhje me forcën tonë politike. Është Policia e Shtetit ajo e cila e nxit dhunën mes të infiltruarëve të saj. Kjo është protesta e tetë tashmë 2 muaj dhe sot nuk mund ta mohoj askush për krizën që po ndodh në Shqipëri.
Jam i bindur që të gjithë ndërkombëtarët do të jenë krah PD-së. Djegia e mandateve është një veprim i paprecedent edhe pse ndërkombëtarët ishin kundër por tasmë janë ndërgjegjsuar sepse e shohin si të paprecedent gjendjen aktuale të demokracisë në vend.”-shprehet Këlliçi nga studio e Fax News.
