Maqedonia është tronditur sot nga një aksident tragjik ku humbën jetën 13 persona. Ngjarja e rëndë ka ndodhur pasditen e sotme në aksin rrugor Shkup-Tetovë, ku një autobus pasagjerësh përfundoi jashtë rrugës dhe u përmbys.
Partia Drejtësi, Integrim dhe Unitet ndan dhimbjen me familjarët e viktimave si dhe uron e shpreson që të plagosurit të kthehem sa më shpejt pranë familjeve të tyre.
“Një ngjarje tragjike ka ndodhur në rrugën Shkup-Gostivar në Maqedoni, ku 13 persona kanë humbur jetën dhe 20 të tjerë janë plagosur. Partia Drejtësi, Integrim dhe Unitet iu shpreh ngushëllime të gjithë familjarëve të viktimave në këtë tragjedi. Shpresojmë që të plagosurit të kthehen sa më shpejt pranë familjeve të tyre. Ngushëllime”, thuhet në njoftimin e PDIU.
