Nga Klodian Tomorri
Policia e Shtetit i bllokon 5.2 milionë euro një qytetari në Lezhë dhe e shpall me të madhe në të gjitha mediat e vendit.
Pa hetuar nëse paratë ishin të ligjshme apo jo, pa provuar se kishin burim kriminal, nxorën edhe emrin e personit që zotëron llogarinë duke e shpallur madje si arritje të Forces së Ligjit.
Këta janë policë të paaftë apo kriminela? Si mund të shpallësh me të madhe që x qytetar ka 5.2 milionë euro në bankë duke i bërë ftesë gjithë bandave të vendit pa e provuar më parë që ka kryer krim?
Policia ka gjithë të drejtën të bllokojë çdo transferte apo llogari të dyshimtë. Ka gjithë të drejtën ta hetojë, por pa provuar që paratë janë të ardhura krimi apo evazioni nuk ka asnjë të drejtë të nxjerrë emra nepër televizione se filani ka kaq lekë. Kjo është çmenduri. Nuk ndodh në asnjë vend të botes kjo punë që ndodh këtu.
Ja ku u doli tani. Ai zotëria suedez që i ka derdhur paratë është njeriu i tretë më i pasur i Europës. Vetëm vjet e ka patur fitimin e bizneseve që zotëron 1.2 miliardë euro. Madje që ditën qe ja bllokuan llogarinë, flitet se u ka dërguar dokumenta që andej se kush është ai dhe cili është burimi i parave. Dhe u ka thënë këtyre tutkunave tanë që unë do dërgoj dhe një herë sa kaq sepse më do qejfi.
Hajde shtet hajde.
