Ish-ministrja e Jashtme e Kosovës, Edita Tahiri ka përshëndetur vendimin e presidentit Ilir Meta për të mos dekretuar si ministër të jashtëm Gent Cakajn. Ajo e quajti vizionar dhe kombëtar vendimin e Metës. Por Rama s’e ka pritur mirë këtë koment të saj. Kreu i qeverisë tha se Edita Tahiri, bashkohet me ca qyqarë që salutojnë vendimin e Ilir Metës.
Këtë deklratë të Ramës ku sulmon Tahirin, e ka komentuar Mesila Doda. Ajo e cilëson të papranueshme dhe seksiste deklaratën e kryeministrit.
Doda shkruan: “E papranueshme dhe seksiste deklarata e Kryeministrit ndaj Edita Tahirit. “Hë xhan” mund t’ia thotë kujtdo prej oborrtarëve të tij, po jo një zonje që nuk ka asnjë detyrim ndaj tij e që ka lënë shenjë dinjiteti në politkën e jashtme shqiptare.
Ndjesën sot, ti harbut duhet ta bësh ndaj znj.Tahiri, jo të shpërthesh si adoleshent i inatosur e të përpiqesh që krizën tënde personale ta paraqesësh si ndasi mes Shqiperisë e Kosovës.
Sa herë që shoh këtë sjellje rrugaçërore aq herë ndjehem e pezmatuar… kaq të papjekur jemi si popull, që kemi zgjedhur me të çarturin ndër shqiptarë për ta vënë në krye të vendit?”
