Partitë opozitare hungareze i kanë bërë thirrje qeverisë që të arrestojë dhe të ekstradojë sa më shpejt ish-kryeministrin Nikola Gruevski, i cili ka kërkuar azil në Hungari.
Adam Mirkocki, Zëdhënësi i Paritisë nacinaliste “Jobbik”, e ka cilësuar rastin si “skandal të paparë”, duke theksuar se Gruevski është “kriminal i kërkuar” nga një vend ku nuk ka luftë dhe se ai nuk është i përndjekur mbi baza fetare apo politike.
Në Shkup ndërkohë janë shtuar reagimet pas arratisjes së ish-kryeministrit Nikolla Gruevski. Kryeministri Zoran Zaev i hedh poshtë vlerësimet dhe zërat për një pazar të mundshëm midis pushtetit dhe Gruevskit, që të përfitoheshin votat e ligjvënësve opozitarë për ndryshimet kushtetuese.
Ziadin Sela, kryetar i Aleancës për Shqiptarët në opozitë e quan arratisjen një montim politik klasik që ka për qëllim largimin nga përgjegjësia të njerezve të cilët sot duhej të ishin në burg.
