Nga: Artan Fuga
Sepse nuk ka pike interesi në këtë vit elektoral. Po ta pranonte do të ishte një anashkalim publik i partneritetit me kryetarin e PD, doktor Berishën. Po ashtu do të përjashtonte nga një treshe që i ntereson atij, zotin Ilir Meta. E po ashtu do të ngjallte mosbesim te aleatët e tij.
E çfarë e do dialogun e institucionalizuar kur në këtë vit elektoral interesi ia do të radikalizojë qëndrimin si opozitar? Atij strategjikisht i duhet të hapë dialog me aleatët e tij politike dhe me shoqerinë civile dhe jo me partinë në qeveri.
Zoti Basha deri tani bënte kot se donte pushtet. Digjte bunkerë që tu digjte afshin e revoltës pasuesve të paduruar në PD.
Si ta merrte, me dhunë? Me kryengritje? Kush ta pranon? Por këtë vit sinqerisht ai kërkon pushtet. O pushtet, ose i duhet të iki. Çfarë i duhet konsultimi jashtë parlamentit! Deri tani e ka pasur shumë vështire t’i kontrollonte deputetët e tij kur vetë nuk ishte në kuvend.
Fjalimet e gjata të dr. Berishës në Kuvend kanë një funksion të fshehur. Ai zë gjithë kohën e të folurit të PD-së dhe kështu deputetët e PD kanë pak kohë për të livadhisur nëpër shtigje aventureske kompromisesh me presidiumin.
Kishte nevoje t’i merrte me të mirë deputetet. Po tani, në këtë vit elektoral? Janë deputetët e PD-së që kanë nevojë për zotin Lulzim Basha. Në vit elektoral është partia që kontrollon deputetët dhe jo deputetët partinë.
Nuk ka nevoje pra të anashkalojë deputetët e PD-s që duan të “dredhin bishtin”.
Sus tani! Ose ik nga lista! Koha luan për të e jo për ca ish-ministra që ia kanë sjellë elektoratit në majë të hundës dhe si mëkatarë që janë i lustrojnë këpucet pushtetit të radhës.
Elektorati i kërkon fytyra të reja se me të vjetrit mo? -zoti Edi Rama e ka fitoren në xhep. Ja përse zoti Lulzim Basha besoj se e quan të tejkaluar ftesën ndoshta të sinqertë dhe dashmirëse të zotit Edi Rama.
Kështu them unë me tahmina o burrë, se mos jam në mendjen e tij. Ja fus kot këtu të liqeni shtrirë në bar duke kqyrur zogjtë që cicërijnë. Se mos kam punë tjetër për të bërë.
