Ndërsa Biblioteka e Shqipërisë u përball me përmbytje të disa librave lajme të mira vijnë nga Kosova. Biblioteka Kombëtare e Kosovës, e dalluar për një arkitekturë të veçantë është radhitur nga Calvert Journal si një prej tetë Bibliotekave më të mira dhe ‘të çuditshme’ në ‘Lindjen e Re’.
Biblioteka e Prishtinës është projektuar nga arkitekti Andrija Mutnjakoviç, mbi idetë e të cilit ka dy teori. Disa thonë se projektor këtë ndërtesë për të sfiduar format bizantine dhe islame për Bibliotekë, ndërsa disa të tjerë thonë se inspirim ishte tradita arkitekturore para-romake.
Calvert Journal shkruan se këto kupola janë në formën e plisit, kapelës tradicionale pjesë e veshjes kombëtare shqiptare.
Në këtë listë janë radhitur edhe shtatë Biblioteka të tjera. Lenin Library në Rusi që sot quhet Leninka në kontekstin e përgjithshëm. Biblioteka Kombëtare e Bellorusisë në Minsk, Biblioteka Universitare e Varshavës, Biblioteka Kombëtare e Estonisë, Biblioteka Alvar Alto në Finlandë, Biblioteka Kombëtare e Letonisë dhe Biblioteka Vernadsky në Ukrainë.
