Media holandeze “WNL” i ka kushtuar një artikull ndryshimeve që po pëson tregu holandez i drogës, i cili sipas tyre po bie gjithmonë e më shumë në duart e kriminelëve shqiptarë, në vend të atyre marokenë apo holandezëve.
Tregu i drogës në Holandë po bie gjithmonë e më shumë në duart e shqiptarëve, në vend të marokenëve dhe vetë holandezëve. Edhe për pak tregtia e kokainës do të jetë plotësisht në duart e gangsterëve shqiptarë.
“Marokenët aktualisht po luftojnë për të bërë transporte të mëdha, thotë një burim për median, i cili shton se: “Shqiptarët janë partnerë të besueshëm të biznesit. Ata e marrin përsipër transportin”.
Bosat amerikano-jugorë të drogës tani e shmangin kontaktin me mafian marokene duke preferuar shqiptarët pasi e bëjnë punën më mirë dhe më shpejt.
Ata nuk e limitojnë më veten me kilogramë të pakët por sjellin qindra në portin e Rotterdamit.
Për shkak të këtij ndryshimi të fuqisë, edhe policia ka frikë nga një përballje e mundshme midis shqiptarëve dhe marokenëve.
Kemi frikë nga një përplasje. Deri tani, shqiptarët po shmangin përdorimin e dhunës sa më shumë të jetë e mundur jashtë atdheut të tyre, por ne e dimë se ata nuk e shmangin kurrë atëherë kur duhet.
