Pas deklaratës së ministrit të Jashtëm Ditmir Bushatit se çdo shtetas me origjinë çame të gëzojë pronat në Greqi, ka reaguar homologu i tij grek Nikos Kotzias.
Kotzias ka kundërshtuar kategorisht deklaratat në lidhje me përfshirjen e çështjes “Çame” në diskutimet midis Greqisë dhe Shqipërisë.
Përveç kësaj, Kotzias tha se gatishmëria e palës shqiptare në lidhje me këtë çështje është e papranueshme, për diskutim.
“Ne i bëjmë thirrje palës shqiptare që të mos ngrejë çështje që bien ndesh me dialogun e vazhdueshëm, të sinqertë dhe konstruktiv mes dy vendeve. Bisedimet me ministrin Bushati u përqendruan në çështje të pazgjidhura në 70 vitet e fundit dhe kemi përparuar për gjetje të zgjidhjeve të qëndrueshme. Ka përmirësim në marrëdhëniet greko-shqiptare nga dialogu i vazhdueshëm”, ka thënë Kotzias.
