Nga Klodian Tomorri
Ministria jonë e jashtme duhet të kërkojë urgjent shpjegime nga qeveria franceze se me ç farë procedure mjekët në Francë vendosën t’i japin fund jetës së të riut shqiptar. Në Francë eutanazia është e paligjshme.
Ka një procedurë vdekjeje të asistuar, por ajo bëhet në rrethana shumë të veçanta dhe vetëm me konsensusin e familjes ose vetë pacientit.
Familja thotë që nuk ka dhënë konsensus për heqjen e aparaturave. Ky është rast shumë i rëndë. Përtej kësaj, qeveria jonë duhet të kërkojë hetim deri në zbardhjen e plotë të ngjarjes dhe duhet t’i kërkojë Francës vënien para ligjit të fajtorëve.
Diplomacia nuk bëhet me PR apo duke i dhënë mend botës. Por ç do qeveri ka gjithë të drejtën por edhe detyrimin absolut të mbrojë qytetarët e saj.
