A ju kujtohet torta e 100-vjetorit të Pavarësisë në Sheshin “Skënderbej”, kur qindja njerëz, me xhupa, duar, tepsi, legena, uturakë e govata, iu turrën ëmbëlsirës më të madhe që kishin parë ndonjëherë? Besoj se po, të gjithëve.
E njëjta situatë na u shfaq sërish sot në Sheshin “Nënë Tereza” po në Tiranë, vetëm në përmasa pak më të vogla. Sot në mesditë u çel panairi “Puno tokën-Konsumo Shqip, event ky dedikuar produkteve bujqësore e blegtorale.
Në hyrje të panairit, organizatorët dhe pjesëmarrësit kishin vendosur disa eksporizorë në formë piramide, me mandarina e portokalle, një me mollë, një me domate, të cilat shkonin për shtat dhe emërtimit të panairit. Por, pas përurumit zyrtar të aktivitetit, ku merrnin pjesë dhe Kryeministri Rama e Ministri i Bujqësisë, Peleshi, qindra qytetarë të Tiranës, të rinj e të reja, iu turrën piramidave-ekspozitë, duke i zhveshur nga çdo kokërr fruti e perimesh që ndodheshin në të. Vetëm e vetëm të mos iknin pa i marrë, sepse ishin qyl…
Pasi hëngrën stendave të panairit, ku prodhuesit kishin me bollëk, sigurisht, me babëzinë dhe pafytyrësinë e pashoqe, iu turrën stendave, duke u futur në xhupa, qese, çanta… Për të mos folur më gjatë, video dhe fotot ua tregojnë më së miri pangopësinë… jo vetëm të të rinjëve, por edhe të shumë zonjave, që vetë rrinin poshtë e fëmijët i hypën lart për të vjelë atë që nuk e kishin mbjellë vetë… një situatë thuajse e njëjtë me tortën e Pavarësisë në vitin 2012.
http://www.alertnews.al/ju-kujtohet-torta-e-pavaresise-ja-cbejne-grate-e-babezitura-dhe-e-femijet-me-fruta-e-perime-ne-panair-fotovideo/
