Kundër kërkesës pati vetëm 2 vota kundër dhe 4 abstenime.
Më 106 vota pro, 2 kundër dhe 4 abstenime, Kuvendi i Shqipërisë ka miratuar dërgimin në Gjykatën Kushtetuese të kërkesës për heqjen e mandatit të deputetit Koço Kokëdhima. Kundër kanë votuar deputetët socialistë Vladimir Kosta dhe Mira Shehu ndërsa kanë abstenuar Koço Kokëdhima, Namik Kompliku, Klodiana Spahiu dhe Paulin Sterkaj. Deputeti Koço Kokëdhima është akuzuar nga opozita se ka përfituar fonde publike në shkelje flagrante të Kushtetutës. PD e dërgoi kërkesën e saj në Gjykatë Kushtetuese dhe që aty ka kaluar të gjithë procedurën për t’u njohur si kërkesë. Tashmë Gjykata Kushtetuese pritet të shqyrtojë direkt heqjen e madatit të deputetit Kokëdhima, një vendim që ka një precedent, atë që është heqja e mandatit të deputetit të Ilir Beqes.
