Gjyqtarë e prokurorë që janë sot pjesë e sistemit të drejtësisë nuk do të mund të jenë pjesë e komisionit të Vetting-ut. Ata i ndalon një pikë në nenin 6 të ligjit të Veting-ut, ku parashikohen kriteret e zgjedhjes së anëtarëve të institucioneve të rivlerësimit, u përfshi edhe një pikë, për të shmangur konfliktin e interesin, gjatë procesit të Veting-ut. Pika ‘ë’ e nenit 6 parashikon një kusht, sipas të cilit, anëtarët e organeve të Veting-ut, nuk duhet të kenë qenë gjyqtar, prokuror, këshilltar ligjor, ose ndihmës ligjor gjatë dy viteve të fundit përpara kandidimit, raporton Shqiptarja.com.
Duket se është parashikuar heret përjashtimi I tyre, qysh kur misionet e Shteteve të Bashkuara dhe Bashkimit Evropian në Tiranë, OPDAT dhe EURALIUS, propozuan nenin në fjalë, i cili i përjashton në bllok 800 gjyqtarë dhe prokurorë, për të aplikuar për të shërbyer në institucionet e Veting-ut, konkretisht në Komisionin e Pavarur të Kualifikimit dhe Kolegjin e Posaçëm të Apelimit.
U duk të ishte nëj nen që rrezikonte procesin pasi nuk pati aplikime por thirrjet e BE-së dhe SHBA-së drejtuar shqiptarëve që punojnë si jursitë në çdo vënd të Botës, që zgjidhi ngërqin. Në ditën e fundit të aplikimit, lista e kandidatëve u plotësua kryesisht me juristë shqiptarë që e ushtrojnë profesionine tyre në vende si Anglia, Franca, Gjermani, SHBA-të, Belgjika e deri në Kanada. Duket se nga këta kandidatë do të mudn të plotësohen vendet ën institucionet e kontrollit që parashikohet të pastrojnë sistemin e drejtësisë nga korrupsioni dhe bashjkëpunimi me krimin.
