Ministri i Jashtëm i Italisë Juigi Di Maio ka pritur vetë personalisht grupin e dytë të 60 infermierëve shqiptarë që u nisën sot në Itali.
Ministri nëpërmjet një postimi në rrjetet sociale tregon pamjet e mbërritjes së stafit mjekësor shqiptar që do asistojnë në ndihmë të kolegëve të tyre italianë në përballimin e situatës me koronavirusin.
Di Maio shkruan përkrah videos se ekipi shqiptar do të mbështesë bluzat e bardha të Italisë teksa ka shprehur edhe falenderimet ndaj vendit tonë.
“Sot mbërrijnë në Itali një grup me 60 infermierë nga Shqipëria për të dhënë mbështetje spitaleve tona. Një ndihmë konkrete, një dhuratë tjetër, që vjen nga miqtë tanë shqiptarë. Faleminderit për solidaritetin dhe ndihmën ndaj Italisë”, shkruan Di Maio.
https://www.facebook.com/LuigiDiMaio/videos/883841512118024/?t=0
